الاساسيات كلها موجودة زي اللبن والفيمتو والتمر والسمبوسك، والبوفيه نفسه مقسم ما بين سلطات، ومقبلات، واطباق رئيسية وحلى. الأكل صراحة مرة كان خفيف وطعمه جيد، يعني ما تحسه زي اكل بوفيهات ثانية لا طعم لا لون لا رائحة. وهذه في حد ذاتها ميزة جيدة يشكروا عليها.
يعني يمكن الشي الوحيد اللي ما نجحوا فيه هو الأم علي لأنه ما كان لها علاقة لا بأم علي ولا ابوه
الخدمة كانت ممتازة ما حسينا انه لازم ننادي مرتين، يمكن ساعد في كدة توزيع الموظفين وانه المكان ما هو مرة كبير. حتى المشرف كان متواجد بشكل دائم ومبتسم ويسأل كل طاولة اذا كل شي تمام.
آخر شي اقول لكم هو قبل ما نختم انه الفندق كمان عنده بوفيه سحور وسعره ١٣٦ ريال وللاطفال ٩٥ ريال. شكلنا في يوم حنيجي زيارة سحور ، اهو منها كمان الواحد ياكل بزمة… رمضان كريم
